EPK
“Platen er solid som helhet, men det er altså noen bængers som virkelig må trekkes frem. Først og fremst “Trouble in Paradise” og “Pretty Please”. Utrolig fengende melodier, og låter jeg ser for meg er svinegøy å spille live. De up-tempo låtene traff meg veldig godt, og også “Leave It By The Door”, “Be Still” og “Crash and Burn” river godt i rockefoten. Men det hjelper ikke med fengende melodier i denne sjangeren, om ikke tekstene funker. Og det gjør de så til de grader.”
Dust Of Daylight
BIO
Atle Oen (48) frå Nordfjordeid og Øygarden har gitt ut to album og ein EP med eigne låtar i americanasjangeren. Han har vore nominert til årets nykommar av NRK Sogn og Fjordane og fleire av låtane han har laga blir spelt jamleg på NRK radio.
Atle Oen har spelt konsertar på Malakoff Live Laga, Fjordblues, Stryn visefestival, Bergen Bonanza og Gymmen Americanafestival.
​
Musikken står stødig i americanasjangeren, men varierer frå enkle singer/songwriter-låtar, via honky tonk og ballader til flat pedal countryrock. Musikalske førebilete er Mark Knopfler, Jason Isbell, John Prine og Tom Petty.
Denne hausten er Atle Oen aktuell med nytt album, der han samarbeider med Hege KL Naustdal på vokal og produksjon.
PRESSESKRIV
Nordfjordeid 30.08.2024
​
Safe at Sea​
​
Atle Oen gir ut sitt tredje album 18. oktober. Musikken er americana, ein musikksjanger som blandar country, folk, bluegrass og blues. Denne gongen har artisten og låtskrivaren fått med seg Hege KL Naustdal som medprodusent og vokalist. Hege KL Naustdal sin vokal gir låtane ein ny dimensjon, både musikalsk og i historiane som vert fortald.
- Låtskriving er eit språk eg ikkje visste eg hadde, seier Oen. Med Hege ombord er laget forsterka, og særleg dei låtane som handlar om parforhold får større tyngde med Hege sin vokal. I tillegg er Hege suveren til å produsere vokal, og saman med teknikar og gitarist Dan Aasebø har dei tre skrudd i hop ei heilstøpt americanaplate, der Oen sine låtar får skine.
Denne gongen har låtskrivaren våga å vere meir personleg, med låtar som ser tilbake på ungdomstid, duettar som skildrar vanskeleg samliv og eit sedvanleg skråblikk på eksentriske karakterar. Det er ei variert samling låtar, men likevel meir uptempo og lettbeint enn tidlegare plater.
​
- Låtskriving er å snakke med seg sjølv, om seg sjølv, forhåpentligvis slik at lyttaren kjenner igjen noko frå eigne liv, fortel han. - For meg er det det største med å lage musikk. At ein oppdagar at det som er ekte for ein sjølv, kan vere det for andre.
Albumtittelen "Safe at Sea" handlar om å ta vekk tvilen som føl med det å vere kreativ. Den handlar om å våge å tru på det ein gjer. Våge å kaste seg ut på djupet.
- Det viktigaste eg har lært er å ikkje la det handle om kva andre meiner. Det er ein enorm fridom i å lage noko for seg sjølv. Om andre liker det, er sjølvsagt ein bonus, men det kan aldri vere den einaste målestokken. Denne gongen har eg produsert sjølv, med god hjelp frå Hege, og eg trur det gjer at eg kjenner at eg kan stå for resultatet. Eg er rett og slett stolt av det vi har fått til!
​
«Safe at Sea» handlar nettopp om den erkjenninga. Og sjøen er ein passande metafor når ein er oppvaksen i Øygarden. - Til trass for det er eg ikkje spesielt trygg i vatn innrømmer han. Eg vart liggjande litt for lenge på botn av eit basseng ein gong, noko som framleis set i kroppen. No er eg på djupt vatn igjen, men det er trygt å jobbe kreativt med Hege og Dan. Vi er eit godt team, trygge på kvarandre og tør å vere ueinige. Stort sett får låtskrivaren siste ordet uansett, på godt og vondt.
​
Musikalsk har Oen lent seg på artistar som inspirerte han i yngre år. Mark Knopfler, Bob Dylan og dei enkle men sterke melodiane til countryartistar som Hank Williams, Willie Nelson og John Prine. Samtidig let han seg inspirere av dagens artistar, som Jason Isbell, Sturgill Simpson og Gabe Lee.
​
I tillegg til Hege KL Naustdal og Dan Aasebø spelar Stig Hegrenes trommer, Raimund Hoclas bass, Øystein Undem tangentar og Steinar Karlsen lap-steel og gitarar.
​
Plata er i hovudsak spelt inn i Gymmen studio på Nordfjordeid og miksa av Thomas Larsen i Fabriken Studios. "Safe at Sea" er tilgjengeleg på alle digitale plattformar frå og med 18.10.24.
Albumet vert sjølvsagt feira med sleppefest i Gymmen på Nordfjordeid same dag, og Fjordblues på Sandane 19.10. Begge dagane med fullt band.
«Im a river flowing» er første singel frå albumet «Safe at Sea». Singelen kjem ut 30. august. Det kjem til saman tre singlar frå plata i løpet av hausten 2024.
